【德國 🇩🇪 慕尼黑】第1日：慕尼黑新市政廳
.
轉工期間襯有兩個禮拜，去歐洲走返轉。今次目標唔明確，而且不斷加入新idea臨時轉旅遊行程，所以你會見到我不斷轉換據點。
.
呢個係慕尼黑嘅新市政廳 (Neues Rathaus)，響市中心瑪麗恩廣場 (Marienplatz) 北邊。話就話係新，其實都已經有145年歷史。1874年，響旁邊嘅舊市政廳唔夠位用，於是起過一棟搬過去。建築風格係哥特復興式 (Neo-gothic)，裏面最有趣係佢嘅樓梯好似啲大shopping mall咁有直通上頂亦有一層層嘅，亂而有序；天花帶有尖拱頂線條，全部都係石材，極盡華麗。而家慕尼黑嘅議會、市長辦公室、市政府辦事處同行政都響呢度辦公。
.
慕尼黑舊市政廳其實就響新市政廳旁邊，但係新嘅比舊嘅歷史仲要老多幾十年。點解呢？舊市政廳係就係響14世紀建成，但係二次世界大戰已經將佢完全炸毁。而家嘅舊市政廳係響 1971-1974 重建而成，所以都係得四十幾年歷史嘅咋 — 識得睇梗係睇真正嘅歷史舊建築啦 🤓
.
.
.
.
.
.
#豁出去漫遊不通知親友 #德國 #歐洲 #慕尼黑 #哥德式 #哥德復興
.
#旅遊 #旅遊攻略 #旅遊日記 #旅遊達人#hktravelblogger #旅遊資訊 #女遊人 #女遊神 #hongkong #ilovehongkong #hkig #hkstyle #hkigers #hongkonger #hktraveler #周圍移
Search